仲有一日就除夕啦

大家嘅 年货 、 新鞋 、 新衫裤 备好未咧

屋企嘅新挥春又贴咗未啊

(资料图片)

年前使钱大激斗

应该都战得差唔多

各位朋友仔

都收获到新年战利品啦

but你嘅爱宠小动物

过年係咪都应该应节一啲咧

“战衣”够应景

人靠衣装

动物都可以靠变装

靓靓宠物衫

係好多小主人过节帮爱宠打扮嘅

最有效装备

依家啲宠物衫真係花多眼乱

从材质到款式

都可以满足唔同pet pet嘅需求

新春佳节

梗係要拣鲜艳嘅配色

寓意下鸿运当头

唔少动物衫更推出节日主题

发发声嘅麻将

1:1还原的醒狮外套

COS卡通人物 等等

咪以为只有“喵星人”“汪星人”

先有时装着

连鹦鹉、乌龟、蜥蜴等等

都有专属靓衫

精致程度犀利过人类服饰

配饰好得戚

部分“小可爱”唔中意身上又嘢束搏

穿咗衫仔之后容易发脾气

如果你嘅小乖乖係咁嘅性格

但你又想帮佢打扮下

可以用啲小配饰

帮佢打造年味氛围感

帽子配围脖係最标准嘅组合

可爱兔耳仔 、 虎虎生威刺绣

带恭喜发财字样嘅配饰

全部都啱晒过年嘅场景

单独挑选帽或者围巾

冷线织嘅铃铛柔软又立体

财神爷帽仔够喜庆

龟龟、蜥蜴小脑袋虽然细

但啲配饰一样似模似样

细节一啲都唔马虎

仪式感满分

辞旧迎新嘅仪式感

当然少不了贴福字、挂春联

大家换好屋企大门、房门嘅“红纸仔”后

不妨帮“小可爱”嘅安乐窝

都安排一副“猫肥屋润”啦

专门for宠物窝嘅对联

比我哋日常贴门嘅size细好多

仲会根据唔同嘅宠物

设计专属嘅内容

如果觉得贴嚟贴去都唔啱心水

都有直接一体成型嘅新春猫抓板

用瓦楞纸做成

练爪、过年两不误

有啲产品直接整成屋仔咁

爱宠玩完直接瞓觉都唔会冻亲

外观已经print好晒

金黄、鲜红嘅过年色

放喺屋企就已经係个喜庆摆件啦

咁多年味宠物用品

唔知你嘅小动物最冧边款咧

喳喳临入手几件

同爱宠一齐happy过新年啦

资料来源：可乐生活698期

编辑：郭玮

审核：曾敏妍

签发：骆苹

>>>

一次过get可乐 报详细内容

羊城晚报报业集团旗下优秀生活类媒体可乐生活Color ，度身打造专属广州人的吃喝玩乐指南，潮流风向标资讯。

官方微信号：靓仔可乐君（handsomecolor）